सदैव सोबत असल्याचा निलेश राणे यांनी व्यक्त केला विश्वास
मालवण : मालवण बंदरजेटी याठिकाणी वर्षानुवर्षे तात्पुरते स्टॉल उभारून पर्यटन व्यवसाय करणाऱ्या व्यावसायिकांनी माजी केंद्रीय मंत्री तथा खासदार नारायण राणे आणि माजी खासदार निलेश राणे यांची भेट घेत समस्या व विविध विषयांवर चर्चा केली. आमचे हक्काचे आधार म्हणून तुम्ही आम्हाला नेहमी साथ दिली आहे. असे स्टॉल व्यावसायिकांनी सांगत खासदार नारायण राणे, निलेश राणे यांचे विशेष आभार मानले.
निलेश राणे नेहमीच आम्हा व्यवसायिकांच्या पाठीशी राहिले आहेत. कोणताही प्रश्न असो त्यांनी खंबीर साथ आम्हाला लाभत आहे. राणे साहेब तुमच्या प्रमाणे जनतेची काळजी घेणारे नेतृत्व निले्श राणे यांच्या रूपात आम्हाला लाभले. असे कौतुकोद्गार सर्वसामान्य स्टॉल व्यवसायिकानी निलेश राणे यांच्या प्रती व्यक्त केले.
सर्वसामान्य जनतेवर कोणताही अन्याय होता नये. उद्योग व्यवसाय या माध्यमातून जनता स्वतःच्या पायावर खंबीर उभे राहून समृद्ध झाली पाहिजे यासाठी आम्ही सदैव तुमच्या सोबत आहोत आणि राहू. असा विश्वासही निलेश राणे यांनी या निमित्ताने व्यक्त केला.
यावेळी भाजप शहर अध्यक्ष बाबा मोंडकर, माजी नगरसेविका पूजा सरकारे, जिल्हा बँक संचालक बाबा परब, माजी नगराध्यक्ष सुदेश आचरेकर, माजी नगराध्यक्ष अशोक तोडणकर, खरेदी विक्री संघाचे संचालक आबा हडकर, भाई मांजरेकर, राजू बिडये तसेच अन्य पदाधिकारी व व्यावसायिक उपस्थित होते.
