मालवण | प्रतिनिधी : मालवण येथील तथागत मालवणकर यांची शिवसेना युवासेना तालुकाध्यक्ष पदी नियुक्ती करण्यात आली आहे.
युवासेना महाराष्ट्र सचिव किरण साळी यांनी युवासेना कार्याध्यक्ष पूर्वेश सरनाईक यांच्या स्वाक्षरीचे नियुक्तीपत्र तथागत मालवणकर यांना सावंतवाडी येथील युवासेना कार्यक्रमांत सुपूर्द केले.
दिलेल्या नियुक्ती पत्रात म्हटले आहे, वंदनीय हिंदुहृदयसम्राट शिवसेनाप्रमुख बाळासाहेब ठाकरे यांच्या आशिर्वादाने व शिवसेना मुख्य नेते एकनाथ शिंदे (मुख्यमंत्री, महाराष्ट्र राज्य) यांच्या आदेशानुसार, खासदार डॉ. श्रीकांत शिंदे यांच्या मार्गदर्शनाखाली शिवसेना पक्षाच्या "युवासेना मालवण अध्यक्ष" पदी नियुक्ती करण्यात येत आहे.
वंदनीय हिंदुहृदयसम्राट शिवसेनाप्रमुख बाळासाहेब ठाकरे यांचा हिंदुत्वाचा विचार आणि धर्मवीर आनंद दिघे साहेब यांची शिकवण आत्मसात करून शिवसेना पक्ष वाढीसाठी आपण सर्वांना सोबत घेऊन कार्य कराल असा विश्वास आहे. आपल्या सामाजिक व राजकिय क्षेत्रातील भावी वाटचालीस मनःपुर्वक शुभेच्छा. असे नियुक्तीपत्र देण्यात आले.
यावेळी शिवसेना सिंधुदुर्ग माजी सचिव किसन मांजरेकर, युवासेना जिल्हाप्रमुख ऋत्विक सामंत, युवतीसेना सोनाली पाटकर, युवासेना मालवण कुडाळ विधानसभा अध्यक्ष प्रितम गावडे, कणकवली विभाग जिल्हाप्रमुख मेहुल धुमाळे, सावंतवाडी जिल्हाप्रमुख हर्षद डेरे यांसह अन्य पदाधिकारी उपस्थित होते.
