मुद्देमाल करण्यात आला जप्त
सिंधुदुर्ग : विधानसभा निवडणूक 2024 च्या आचार संहितेच्या अनुषंगाने सिंधुदुर्ग जिल्ह्याचे जिल्हाधिकारी व मुख्य कार्यकारी अधिकारी यांनी भेट पाहणी करत वाहन तपासणी केली. यावेळी इन्सुली सीमा तपासणी नाका येथे पाहणी करत असताना गोवा राज्यातून महाराष्ट्रात येणाऱ्या बोलेरो पिकअप वाहन तपासणीसाठी थांबवले असता, बॉटल सील असलेले वाहन व वाहकासोबत असलेली बिल्टी यामध्ये तफावत आढळल्याने वाहनाचे बॉटल सील तोडले असता, त्यामध्ये गोवा राज्य निर्मित उच्च प्रतीची विदेशी मद्याचे 50 बॉक्स मिळवून आले. या कारवाई मध्ये जवळपास 17 लाख रुपयाचा मुद्देमाल जप्त करण्यात आला आहे.
याप्रकरणी पिकअप से चालन वलेरियाने सेबस्तियानो ब्रगंजा यांच्यावर महाराष्ट्र दारूबंदी अधिनियम 1949 चे कलम 65 ( अ, ई ) व 90 अन्वये नुसार गुन्हा दाखल करून ताब्यात घेण्यात आले आहे.
सदर कारवाई वेळी सिंधुदुर्ग राज्य उत्पादन शुल्क अधीक्षक मनोज शेवरे उपस्थित असून इन्सुलि तपासणी नाक्यावरील अधिकारी व कर्मचारी देखील उपस्थित होते. सदर गुन्ह्याचा पुढील तपास दुय्यम निरीक्षक प्रदीप रास्कर करत आहेत.
