मालवण : समर्थ सोशल फाउंडेशन कोल्हापूर या संस्थेमार्फत दिला जाणारा राज्यस्तरीय व्यसनमुक्ती व मधुमेह मुक्ती दूत पुरस्कार मालवण येथील माजी नगरसेविका पूजा प्रमोद करलकर यांना नुकताच कोल्हापूर येथील हॉटेल सयाजी येथे देऊन सन्मानित करण्यात आले. समर्थ सोशल फाउंडेशन चे संस्थापक अध्यक्ष सादिक शेख, संचालक सागर देसाई, संचालक अस्लम शेख, संचालक सुहास पाटील व डॉ. बाळ माने यांच्या हस्ते हा पुरस्कार प्रदान करण्यात आला.
दरवर्षी समर्थ सोशल फाउंडेशन संस्थेकडून राज्यभरात सामाजिक कार्य करून लाखो लोकांना व्यसनमुक्त व मधुमेह मुक्त करण्यासाठी उल्लेखनीय काम करणाऱ्या व्यक्तींना हा पुरस्कार दिला जातो. सौ पूजा करलकर यांनी व्यसनमुक्ती व मधुमेह मुक्ती करण्यासाठी केलेल्या उल्लेखनीय कामामुळेच त्यांना यावर्षीचा हा पुरस्कार देण्यात आला
यापुढेही असेच आपले उल्लेखनीय काम निश्चित चालू ठेवून देशाच्या हितासाठी खारीचा वाटा म्हणून काम करत राहणार असल्याचे यावेळी सौ पूजा करलकर यांनी सांगितले.
सुमारे 1000 लोकांच्या उपस्थितीत हा सोहळा संपन्न झाला. यावेळी संस्थेचे संस्थापक, संचालक, प्रमोद करलकर, व मित्रपरिवार उपस्थित होता.
