अधिक्षक, राज्य उत्पादन शुल्क सिंधुदुर्ग जिल्हा अंतर्गत निरीक्षक, भरारी पथकाची कारवाई
सिंधुदुर्ग : अधीक्षक, राज्य उत्पादन शुल्क सिंधुदुर्ग जिल्हा अंतर्गत निरीक्षक, भरारी पथक सिंधुदुर्ग, या पथकाने विधानसभा निवडणूक 2024 च्या आचारसंहिता पार्श्वभूमीवर दि. 19 ऑक्टोबर रोजी पहाटेच्या सुमारास संशयित वाहनाची तपासणी करीत असताना मुंबई गोवा राष्ट्रीय महामार्ग क्रमांक 66 कसाल, ता .कुडाळ या ठिकाणी चार चाकी वाहन बोलेरो पीक अप मधून गोवा बनावटी/ गोवा राज्यात विक्रीसाठी चे दारूचे एकूण 300 बॉक्स मिळून आले. जवळपास 26 लाख रुपयांचा मुद्देमाल भरारी पथकाने जप्त केला आहे. या प्रकरणी वाहतूक करणाऱ्या एकाला ताब्यात घेण्यात आले आहे.
