भाऊ भोगले | बागायत : आठ ते दहा दिवस सतत पडणाऱ्या अवकाळी पावसामुळे हाता तोंडाशी आलेले भात पीक पावसाच्या पाण्यात कुजत आहे. तर संकरित भाताला उभ्या पिकांच्या लोंबीला कोंब फुटला आहे त्यामुळे या भाताचा आता काहीही उपयोग होणार नाही . खरे पाहता ऑक्टोबर महिना हा शेतकऱ्याचा भात कापणीचा हंगाम असतो आणि या काळात तुरळक स्वरूपाचा परतीचा पाऊस पडतो .मात्र सद्या अरबी समुद्रात कमी दाबाचा पट्टा तयार झाल्याने अवकाळीचे संकट ओढवले आहे. असाच पाऊस पडत राहिल्यास फार मोठ्या दुष्काळाला सामोरे जाण्याची वेळ येणार आहे. तरी शासनाने त्वरित पाहाणी करून पंचनामे करणे गरजेचे असल्याचे शेतकऱ्यांचे म्हणणे आहे.
