मालवण शहरातील घटना : बजरंग दल, प्राणीप्रेमी व नगरपरिषदेचे मदत्कार्य
मालवण : मालवण शहरातील वायरी मार्गांवर एका टाकीत पडलेल्या गोमातेला बजरंग दल, प्राणीप्रेमी आणि नगरपरिषद कर्मचारी यांच्या मदतकार्यातून सुखरूप पणे बाहेर काढण्यात आले. रविवारी पहाटे ही घटना घडली.
गोमातेला वाचवण्यासाठी मदत कार्यात महत्त्वाची भूमिका असणाऱ्या शिल्पा यतीन खोत व नगरपरिषद मुकादम वळंजू, प्राणी मित्र आनंद बांबर्डेकर यांचे बजरंग दल जिल्हा सहसंयोजक श्रीराज बादेकर यांनी आभार मानले आहेत.
शिल्पा खोत या नेहमीच सामाजिक कार्यात तत्पर असतात आणि ते बजरंग दलाला वेळोवेळी सहकार्य करत असतात. गोमाता टाकीत पडल्या बाबत माहिती त्यांना मिळतात त्याने सर्वांना मदत कार्यासाठी एकत्रित केले. सर्वांच्या एकोप्यातून व मदतकार्यातून गोमातेला जीवदानी मिळाले.
त्याचप्रमाणे नगरपालिकेतील कर्मचारी मुकादम वळंजू व कर्मचारी तात्काळ येत मतदत्कार्य केले. प्राणी मित्र आनंद बांबर्डेकर यांचेही मोठे सहकार्य लाभले. सर्वांच्या मदत कार्यातून टाकीत पडलेल्या गोमातेला जीवदान मिळाले आहे.
