दांडी झालझुलवाडी कुबल रापण संघ मार्गांवर झाडी झुडपातील पायवट केली मोकळी
मालवण | प्रतिनिधी : मालवण शहरातील दांडी झालझुलवाडी कुबल रापण संघ मार्गांवर जाणाऱ्या पायवाटेवर मोठया प्रमाणात झाडी झुडपे वाढल्याने याठिकाणी ये-जां करणाऱ्या मच्छिमार तसेच नागरिकांना त्रास सहन करावा लागत होता. याबाबत उपनगराध्यक्ष दीपक पाटकर यांचे लक्ष वेधताच दीपक पाटकर यांनी जेसीबी व अन्य यंत्रणा यांच्या माध्यमातून झाडी झुडपे व सर्व अडचण दूर करून मार्ग मोकळा करून दिला.
याबाबत कुबल रापण संघ मालक पांडुरंग परब, झालझुलवाडीतील सुजित मोंडकर, जगदिश खराडे, रामचंद्र पराडकर, पाडूरंग सारंग, आनंद सारंग, प्रल्हाद खवणेकर यांसह संदीप मालंडकर व कमलाकर कोचरेकर यांनी तसेच नागरिकांनी दिपक पाटकर यांचे आभार मानले. अशी माहिती देण्यात आली आहे.
