मालवण येथे जनजागृती कार्यक्रम
मालवण : जिल्हा महिला बालविकास कार्यालय अंतर्गत अभय केंद्र मालवण सखी वन स्टॉप सेंटर सिंधुदुर्ग यांच्या संयुक्त विद्यमाने हुंडाबळी एक अनिष्ट प्रथा या विरोधात कै. गंगुबाई कृष्णराव सिताराम देसाई सभागृह मालवण येथे जनजागृती कार्यक्रमाचे आयोजन करण्यात आले होते.
सदर कार्यक्रमात बालविकास प्रकल्प अधिकारी श्रीमती उल्का खोत, संरक्षण अधिकारी अभय केंद्र मालवण श्री.गौरव एखंडे, तसेच वन स्टॉप सेंटरच्या श्रीम.ॲड मीनाक्षी नाईक श्रीम.ॲड नंदिनी मोडकर, निकिता पाटकर , प्राध्यापक श्री.दत्ताराम माळी व इतर शिक्षकेतर कर्मचारी व विद्यार्थी उपस्थित होते.
एडवोकेट मीनाक्षी नाईक यांनी हुंडा प्रतिबंध कायदा १९६१ व पोक्सो ऍक्ट संदर्भात मुलांशी व महिलांची संवाद साधला. त्याचप्रमाणे नंदिनी मोंडकर यांनी मुलांना मोबाईलचे दुष्परिणाम व त्यामुळे वाढती गुन्हेगारी याबाबत मार्गदर्शन केले.
मेघा वजराटकर यांनी महिलांना कौटुंबिक हिंसाचारापासून महिलांचे संरक्षण कायदा २००५ व जिल्हा महिला व बालविकास अधिकारी अंतर्गत येणाऱ्या योजनांची माहिती दिली. तसेच श्री.ॲड ऐश्वर्य मांजरेकर यांनी विधी सेवा समिती अंतर्गत येणाऱ्या योजनांबाबत माहिती दिली. सदर कार्यक्रमात शंभर विद्यार्थी उपस्थित होते. प्रस्ताविक गौरव एखंडे यांनी केली. कार्यक्रमाचे सूत्रसंचालन शिक्षक श्री. प्रवीण साबळे यांनी केले.
