२५ ते २६ फेब्रुवारी विविध धार्मिक-सास्कृतिक कार्यक्रम.
मालवण : कांदळगाव न्हीवे कातवड येथील श्री दत्त क्षेत्र मंदिराच्या चौदाव्या वर्धापनदिन सोहळ्या निमित्त दि २५ ते २६ फेब्रुवारी या कालावधीत विविध धार्मिक सांस्कृतिक कार्यक्रमांचे आयोजन करण्यात आले आहे.
श्री दत्त मंदिराच्या चौदाव्या वर्धापनदिन सोहळ्या निमित्त २५ रोजी सकाळी ८ ते २ जपमंत्र पठण, मूर्ती प्रतिष्ठापना, सायंकाळी ७.३० वाजता श्री ब्राह्माण देव प्रासादिक भजन मंडळ न्हीवे यांचे भजन, गुरुवार २६ रोजी सकाळी ८ वाजता पुरोहित प.पू.संत यांच्या मार्गदर्शना खाली श्री गणेश, श्री हनुमान, श्री गुरू देव दत्त यांची प्राणप्रतिष्ठापना, दुपारी १२ ते १ वाजता आरती , तिर्थप्रसाद, महाप्रसाद,दुपारी ३ ते ४ श्री गणेश भजन मंडळ वायरी यांचे भजन, सायंकाळी ७.३० वाजता स्थानिक ब्राम्हण देव प्रा भजन मंडळ कातवड बुवा मंगेश नलावडे यांचे भजन, रात्रौ ९ वाजता अतिथी सत्कार, रात्रौ ९.३० वाजता सयुक्तिक दशावतार नाट्य प्रयोग दत्त दर्शन ( माया मच्छिद्रनाथ) असे कार्यक्रम होणार आहेत या कार्यक्रमाचा लाभ भाविकांनी घ्यावा असे आवाहन श्री सीताराम चव्हाण व चव्हाण कुटूंबियांनी केले आहे.
