उपनगराध्यक्ष दीपक पाटकर नगरसेविका नीना मुंबरकर यांचा यशस्वी पाठपुरावा
मालवण | प्रतिनिधी : आडारी देऊळवाडा मार्गावरील साटम घरासमोरचा 11 केव्ही विद्युत लाईन प्रवाह असलेला वीज खांब जीर्ण झाल्याने अपघात होण्याची भीती होती. दरम्यान
उपनगराध्यक्ष दीपक पाटकर नगरसेविका नीना मुंबरकर यांच्या यशस्वी पाठपुराव्यातून महावितरणने तातडीने वीज खांब बदलला.
स्थानिक नगरसेवक तथा उपनगराध्यक्ष दीपक पाटकर आणि नीना मुंबरकर यांनी जीर्ण वीज खांब बदलण्यासंदर्भात महावितरण कंपनीच्या अधिकाऱ्यांशी चर्चा करून नवीन वीज खांब उभारणीसाठी पाठपुरावा केला. संभाव्य धोका लक्षात घेऊन महावितरण कंपनीने तातडीने वीज खांब बदलण्याची कार्यवाही केली.
वीज खांब उभारणी दरम्यान उपनगराध्यक्ष दीपक पाटकर, नगरसेविका नीना मुंबरकर, विनायक खानोलकर, बाबू बगाड, विद्या खानोलकर, सुनील गरगटे, महावितरण कर्मचारी उपस्थित होते.
अमित खोत, मालवण
