विद्यार्थ्यांना शालेय साहित्याचे वाटप
स्काय न्युज टुडे | मालवण : अंगणवाडी, शाळा अशा विविध ठिकाणी विद्यार्थ्यांसोबत दरवर्षी आपल्या मुलाचा वाढदिवस साजरा करणाऱ्या मालवण रेवतळे येथील सौ. अमृता अनिकेत फाटक यांनी मुलगा हृदयांश याचा सातवा वाढदिवस प्रभागातील जिल्हा परिषद प्राथमिक शाळा रेवतळे येथे विद्यार्थ्यांसोबत साजरा केला. सामाजिक भावनेतून विद्यार्थ्यांना शालेय साहित्याचे ही वितरण यावेळी हृदयांश याच्या हस्ते करण्यात आले.
शिक्षक देविदास प्रभुगांवकर, वर्षा धुरी यांसह उपस्थित विद्यार्थ्यांनी मोठ्या उत्साहात हृदयांश याचा वाढदिवस साजरा केला. यावेळी हृदयांश याचे वडील आंबा बागायतदार अनिकेत फाटक व आई अमृता फाटक उपस्थित होते.
यावेळी अमृता फाटक म्हणाल्या मुलागा हृदयांश जय गणेश इंग्लिश मिडीयम स्कुल मालवण येथे पाहिलीत शिकत आहे. त्याचा वाढदिवस गेली सहा वर्ष आडवण येथे माहेरी असलेल्या अंगणवाडीत मुलांसोबत साजरा केला जातो. यावर्षी त्या अंगणवाडीत तसेच आमच्या रेवतळे प्रभागातील जिल्हा परिषद प्राथमिक शाळा येथे हृदयांश चा वाढदिवस साजरा करण्यात आला.
अनेक मुलांसोबत वाढदिवस साजरा होत असताना एक वेगळा आनंद मनात निर्माण होतो. सोबतच आपुलकीची भावना निर्माण होते. हीच आपुलकीची भावना हृदयांश च्या मनात निर्माण व्हावी. सोबतच जे शालेय साहित्य वितरण होते त्यातून दातृत्व भावना हृदयांश च्या मनात निर्माण व्हावी. या सामाजिक भावानेतून अंगणवाडी, शाळा अश्या विविध ठिकाणी वाढदिवस साजरा केला जातो असे अमृता फाटक यांनी सांगितले. फाटक कुटुंबियांच्या सामाजिक भावनेचे कौतुक करण्यात आले.
▪️अमित खोत | मालवण
