मुख्यमंत्री एकनाथ शिंदे, मंत्री दीपक केसरकर यांचे रुपेश पावसकर यांनी मानले आभार
निलेश जोशी | कुडाळ : महाराष्ट्र राज्याचे मुख्यमंत्री एकनाथ शिंदे, राज्याचे शालेय शिक्षण तथा मराठी राष्ट्रभाषा मंत्री (मुंबई पालकमंत्री) दिपक केसरकर यांनी भंडारी समाज भवनासाठी जागा उपलब्ध करून दिल्याबद्दल भंडारी समाजाचे माजी युवा बिग्रेड जिल्हाध्यक्ष रुपेश पावसकर यांनी त्यांचे आभार मानले आहेत.
भंडारी समाजाचे माजी युवा बिग्रेड जिल्हाध्यक्ष रुपेश पावसकर यांनी आभार व्यक्त करताना मुख्यमंत्री एकनाथ शिंदे, राज्याचे शालेय शिक्षण तथा मराठी राष्ट्रभाषा मंत्री दीपक केसरकर हे व्हिजन असणारे नेते असल्याचे म्हटले आहे. या दोन्ही नेत्यांनी भंडारी समाजाचे प्रेरणास्थान असलेले भागोजी कीर यांचे स्मारक उभारणीसाठी अखिल भारतीय भंडारी समाज महासंघाला जागा उपलब्ध करून देऊन एकनाथ शिंदे, आणि दीपक केसरकर यांनी भंडारी समाजाप्रती आपण सदैव पाठीशी असल्याची खात्री या दोन्ही नेत्यांनी दिली.
या स्मारकासाठी रुपये २० कोटी व लागणारी जागा मंजूर करून या कामाचा भूमिपूजन सोहळा दि.१३ मार्च २०२४ रोजी पार पडला होता. यावेळी एकनाथ शिंदे, मुख्यमंत्री महाराष्ट्र राज्य हे आभासी दृष्याद्वारे उपस्थित होते, तर दिपक केसरकर,शालेय शिक्षण तथा मराठी राष्ट्रभाषा(मुंबई पालकमंत्री) हे मैत्र जीवांचे कार्यक्रम स्थळी उपस्थित होते. हे मंजूर करण्यासाठी महासंघाचे अध्यक्ष नवीनचंद्र बांदिवडेकर यांचे देखील विशेष कौतुक करण्यात आले.
