राज्य अर्थसंकल्पात आमदार निलेश राणे यांच्या माध्यमातून कुडाळ मतदारसंघात २५ कोटींचा निधी मंजूर

कुडाळ-मालवण, पणदूर घोटगे, कसाल-मालवण, तळाशील-तोंडवळी यांसह महत्वाच्या रस्त्यांसाठी कोट्यावधींचा निधी मंजूर

मालवण | प्रतिनिधी : आमदार निलेश राणे यांच्या सातत्यपूर्ण मागणी व यशस्वी पाठपुराव्यातून राज्य अर्थसंकल्पातुन कुडाळ मालवण मतदारसंघातील रस्ते दुरुस्ती व पूल बांधकाम करणे या कामांसाठी एकूण २५ कोटींचा निधी मंजूर झाला आहे.

यात पणदूर घोटगे रस्ता रा. मा. १७९ रस्ता डांबरीकरण करणे या कामासाठी ४ कोटी ५० लाख, नेरूर जकातनाका मानकादेवी MDR ४६ रस्ता डांबरीकरण करणे २ कोटी ५० लाख, चौके धामापूर काळसे MDR ४१ रस्ता डांबरीकरण करणे २ कोटी ५० लाख, पावशी घावनळे रस्ता डांबरीकरण करणे ५० लाख, तेंडोली माड्याचीवाडी MDR ४९ रस्ता डांबरीकरण करणे ५० लाख, हळदीचे नेरूर ब्रिज बांधकाम करणे या कामासाठी ४ कोटी ९३ लाख, मालवण कसाल रा. मा. १८२ रस्ता डांबरीकरण करणे २  कोटी ५० लाख, वायरी तारकर्ली देवबाग MDR २८ रस्ता डांबरीकरण करणे १ कोटी, कावा ते पेंडूर नांदोस MDR- ३४ रस्ता डांबरीकरण करणे १ कोटी, मसुरे बागायत चौके MDR ५२ रस्ता डांबरीकरण करणे २ कोटी, तोंडवळी तळाशील MDR ५२ रस्ता डांबरीकरण करणे २ कोटी, राठीवडे ओसरगाव MDR- २९ रस्ता डांबरीकरण करणे १ कोटी असा एकूण २५ कोटींचा निधी मंजूर झाला असून खड्डेमय झालेल्या रस्त्यांचे नूतनीकरण होणार आहे.

एकूण ११ रस्ते आणि एका पुलासाठी मंजूर झालेला २५ कोटींचा निधी सार्वजनिक बांधकाम विभागांतर्गत कुडाळ व मालवण तालुक्यात खर्ची होणार आहे.