मालवण | प्रतिनिधी : मालवण दांडी किनाऱ्यावरील मासळी लिलाव होणाऱ्या ठिकाणी असलेला बंद स्थितीतील हायमास्ट टॉवर मालवण नगरपालिकेच्या महिला व बालकल्याण सभापती तथा स्थानिक नगरसेविका सौ. अन्वेषा अजित आचरेकर यांच्या प्रयत्नातून दुरुस्त करून प्रकाशमान झाला आहे. बंद स्थितीतील हायमास्ट टॉवरमुळे गेले काही दिवस रात्रीच्या वेळी अंधाराचे साम्राज्य पसरलेला हा परिसर आता प्रकाशमान झाला आहे.
मालवण किनाऱ्यावर दांडी आवार येथे मासळी लिलाव होणाऱ्या ठिकाणी असलेला हायमास्ट टॉवर बंद असल्याने मत्स्य व्यावसायिक व मच्छिमार तसेच बीच वर येणाऱ्या पर्यटकांना रात्रौच्यावेळी याठिकाणी काळोखातच मच्छिलिलाव तसेच मच्छी खरेदी विक्री करणे त्रासदायक ठरत होते. याठिकाणी होणारी गैरसोय लक्षात घेऊन स्थानिक नागरिक तसेच मत्स्य व्यावसायिक व मच्छिमार यांनी नगरसेविका तथा महिला व बालकल्याण सभापती सौ. अन्वेषा आचरेकर यांचे लक्ष वेधले. अन्वेषा आचरेकर यांनी तात्काळ दखल घेत वायरमन श्री. देऊलकर व श्री. बांदेकर यांच्या माध्यमातून स्वखर्चाने या हायमास्ट टॉवरची तात्काळ दुरुस्ती करून घेत प्रकाशमान केला. यामुळे गैरसोय दूर झाली आहे. गैरसोय दूर केल्याबद्दल मत्स्य नगरसेविका सौ. अन्वेषा आचरेकर यांचे आभार मानले आहेत. तसेच तत्परतेने दाखल होत टॉवरची दुरुस्ती केल्याबद्दल वायरमन देऊलकर व श्री. बांदेकर यांचेही आभार मानले आहेत.
▪️ अमित खोत, मालवण
