चिंदर गावठणवाडी येथे १०० केव्हीए ट्रान्सफॉर्मर मंजूर
शिवसेना जिल्हाप्रमुख दत्ता सामंत यांचा ग्रामस्थांच्या वतीने प्रतिनिधिक स्वरूपात सत्कार
मालवण | प्रतिनिधी : मालवण तालुक्यातील चिंदर गावठणवाडी येथे १०० केव्हीए क्षमतेचा नवीन ट्रान्सफॉर्मर (निधी 12 लाख) जिल्हा नियोजन मधून प्रस्तावित करण्यात आला आहे. चिंदर गावठणवाडी येथे ट्रान्सफॉर्मर बसविल्यामुळे परिसरातील वीजपुरवठा अधिक सुरळीत होण्यास मदत होणार असून ग्रामस्थांना दिलासा मिळणार आहे.
आमदार निलेश राणे यांच्या मागणीनुसार जिल्हा नियोजन मधून हे काम मंजूर आहे. याबाबत खासदार नारायण राणे, पालकमंत्री नितेश राणे, आमदार निलेश राणे तसेच शिवसेना जिल्हाप्रमुख दत्ता सामंत यांचे आभार व्यक्त करतं गावठणवाडी परिसरातील ग्रामस्थ यांच्या वतीने शिवसेना जिल्हाप्रमुख दत्ता सामंत यांचा प्रतिनिधिक स्वरूपात सत्कार करण्यात आला. यावेळी शिवसेना उपतालुकाप्रमुख मंगेश गांवकर यांसोबत अरुण घाडी व ग्रामस्थ तसेच मनोज हडकर हे ही उपस्थित होते.
