कट्टा-सावरवाड रस्त्यावरील खड्डे बुजविले

पंचायत समिती सदस्या माधुरी मसुरकर यांच्या पाठपुराव्याला यश

मालवण | प्रतिनिधी : कट्टा-गुरामवाड मुख्य महामार्गापासून सावरवाडपर्यंतच्या रस्त्यावर पडलेल्या खड्ड्यांमुळे वाहनचालकांना मोठ्या अडचणींचा सामना करावा लागत होता. पावसाळ्यात खड्ड्यांमध्ये पाणी साचत असल्याने अपघाताचा धोका निर्माण झाला होता.

या समस्येची दखल घेत मालवण पंचायत समिती सदस्या सौ. माधुरी मसुरकर यांनी पंचायत समिती सभेत तसेच बांधकाम अधिकारी यांचे यांचे लक्ष वेधले होते. त्यांच्या सूचना व मार्गदर्शनाखाली सार्वजनिक बांधकाम विभागाच्या (PWD) माध्यमातून रस्त्यावरील खड्डे बुजविण्याचे काम करण्यात आले. त्यामुळे वाहनचालकांना दिलासा मिळाला असून रस्त्यावरील वाहतूक अधिक सुरक्षित होण्यास मदत झाली आहे.

▪️अमित खोत, मालवण