मालवण नगरपरिषदेचे आवाहन; ५ टक्के निधीतून अर्थसहाय्याचे होणार वाटप
मालवण | प्रतिनिधी : मालवण नगरपरिषद हद्दीतील दिव्यांग व्यक्तींना दारिद्र्य निर्मूलन योजनेंतर्गत अर्थसहाय्य उपलब्ध करून देण्यासाठी सन 2026-27 यां आर्थिक वर्षामध्ये मालवण नगरपरिषदेने ५ टक्के निधी राखीव ठेवला आहे. सन २०२५-२६ या आर्थिक वर्षात मालवण नगरपरिषद कार्यालयाकडे एकूण १२८ दिव्यांग व्यक्तींची नोंदणी झालेली आहे.
नोंदणी झालेल्या मात्र अद्याप दिव्यांगत्वाचे प्रमाणपत्र सादर न केलेल्या व्यक्तींनी आपले दिव्यांगत्वाचे प्रमाणपत्र ४ सप्टेंबर २०२६ पर्यंत नगरपरिषद कार्यालयीन वेळेत नगरपरिषद कार्यालयात जमा करावे, असे आवाहन करण्यात आले आहे.
ज्या पात्र दिव्यांग व्यक्तींनी दिव्यांगत्वाचे प्रमाणपत्र सादर केले आहे, अशा लाभार्थ्यांना शासन नियमानुसार व निर्धारित टक्केवारीनुसार उदरनिर्वाहासाठी निधीचे वाटप करण्यात येणार आहे. हा निधी संबंधित लाभार्थ्यांच्या बँक खात्यावर NEFT/RTGS द्वारे थेट जमा करण्यात येणार आहे.
तसेच, मालवण नगरपरिषद हद्दीतील ज्या दिव्यांग व्यक्तींनी अद्याप नगरपरिषदेकडे नोंदणी केलेली नाही, त्यांनी आवश्यक कागदपत्रांसह नगरपरिषद कार्यालयात कार्यालयीन वेळेत उपस्थित राहून दिव्यांग व्यक्ती म्हणून नोंदणी करून घ्यावी, असेही नगरपरिषदेने स्पष्ट केले आहे.
सर्व संबंधित दिव्यांग बांधवांनी आवश्यक ती कार्यवाही करून शासनाच्या योजनेचा लाभ घ्यावा, असे आवाहन मालवण नगरपरिषदेमार्फत करण्यात आले आहे.
▪️अमित खोत | मालवण
