धुरीवाडा मित्रमंडळातर्फे २१ ऑगस्टला भव्य नारळ लढविणे स्पर्धा

प्रथम क्रमांकासाठी ११ हजार, द्वितीय क्रमांकासाठी ५ हजारांचे पारितोषिक

मालवण | प्रतिनिधी : धुरीवाडा मित्रमंडळाच्या वतीने श्रीकृष्ण प्रसन्न उत्सवानिमित्त भव्य नारळ लढविणे स्पर्धेचे आयोजन करण्यात आले आहे. शुक्रवार, २१ ऑगस्ट २०२६ रोजी सायंकाळी २ वाजता धुरीवाडा, मालवण येथे ही स्पर्धा रंगणार आहे. या पारंपरिक स्पर्धेची रूपरेषा व बक्षिसे जाहीर करण्यात आली असून स्पर्धकांमध्ये उत्साहाचे वातावरण आहे.

स्पर्धेतील प्रथम क्रमांकाच्या विजेत्यास ११ हजार रुपये, तर द्वितीय क्रमांकाच्या विजेत्यास ५ हजार रुपये रोख पारितोषिक देण्यात येणार आहे. तसेच उपांत्य फेरीपर्यंत मजल मारणाऱ्या दोन्ही पराभूत स्पर्धकांना प्रोत्साहनपर प्रत्येकी १ हजार रुपयांचे पारितोषिक दिले जाणार आहे.

स्पर्धेत सहभागी होणाऱ्या प्रत्येक स्पर्धकाला आयोजकांकडून ५ नारळ देण्यात येणार आहेत. स्पर्धेसाठी गट तयार करण्यात येणार असून प्रत्येक गटात चार खेळाडू असतील.

स्पर्धेच्या पुढील फेरीसाठी प्रत्येक गटातून एक पात्र स्पर्धक निवडला जाणार आहे.
स्पर्धेत सहभागी होण्यासाठी प्रवेश फी ४०० रुपये ठेवण्यात आली आहे. स्पर्धकांनी वेळेवर उपस्थित राहणे अनिवार्य असल्याचे आयोजकांनी स्पष्ट केले आहे. पारंपरिक नारळ लढविण्याच्या या स्पर्धेमुळे धुरीवाडा परिसरात उत्साहाचे वातावरण निर्माण होणार असून नागरिकांनी मोठ्या संख्येने उपस्थित राहून स्पर्धेचा आनंद घ्यावा, असे आवाहन धुरीवाडा मित्रमंडळातर्फे करण्यात आले आहे.

स्पर्धेचे ठिकाण : धुरीवाडा, मालवण, दिनांक : शुक्रवार, २१ ऑगस्ट २०२६, वेळ : दुपारी २ वाजता, प्रवेश फी : ४०० रुपये, प्रथम पारितोषिक : ११,००० रुपये
द्वितीय पारितोषिक : ५,००० रुपये, उपांत्य फेरीतील दोन्ही स्पर्धकांना : प्रत्येकी १,००० रुपये, आयोजक : धुरीवाडा मित्रमंडळ

▪️अमित खोत | मालवण