भाजपा महिला शहराध्यक्षा तथा नगरपरिषद महिला व बालकल्याण सभापती अन्वेषा आचरेकर यांचा शैक्षणिक उपक्रम
मालवण | प्रतिनिधी : विद्यार्थ्यांच्या शैक्षणिक प्रगतीसोबतच त्यांच्या सर्वांगीण विकासाला चालना मिळावी, या उद्देशाने भाजपा महिला शहराध्यक्षा तथा मालवण नगरपरिषदेच्या महिला व बालकल्याण सभापती तथा नगरसेविका अन्वेषा आचरेकर यांच्या वतीने दांडी येथील जि. प. प्राथमिक शाळेतील विद्यार्थ्यांना शैक्षणिक साहित्य तसेच इंडोअर गेम साहित्याचे वितरण करण्यात आले. विद्यार्थ्यांच्या गरजा लक्षात घेऊन राबविण्यात आलेल्या या उपक्रमाचे कौतुक होत आहे.
विद्यार्थ्यांना शिक्षणाबरोबरच खेळ आणि विविध शैक्षणिक उपक्रमांमध्ये सहभागी होता यावे, त्यांच्या कल्पकतेला व कौशल्यांना वाव मिळावा तसेच नियमित सरावातून त्यांचा आत्मविश्वास वाढावा, या उद्देशाने अन्वेषा आचरेकर यांनी सामाजिक बांधिलकीतून हा उपक्रम राबविला. वह्या, शैक्षणिक साहित्य तसेच इंडोअर गेमचे साहित्य मिळाल्याने विद्यार्थ्यांच्या चेहऱ्यावर आनंद दिसून आला.
विद्यार्थ्यांच्या शैक्षणिक गरजा ओळखून प्रत्यक्ष शाळेत पोहोचत त्यांना आवश्यक साहित्य उपलब्ध करून देण्याचा अन्वेषा आचरेकर यांचा उपक्रम हा निश्चितच कौतुकास्पद असून, अशा उपक्रमांमुळे विद्यार्थ्यांना सर्वांगीण विकासाला हातभार लागतो. शाळेतील शिक्षक, पालक व विद्यार्थ्यांनी या उपक्रमाबद्दल आचरेकर यांचे आभार व्यक्त केले.
यावेळी नगरसेविका महानंदा खानोलकर, भाजप महिला पदाधिकारी दीक्षा गावकर, अमृता फाटक, तारका चव्हाण, महिमा मयेकर, सचिन मालंडकर, शाळा व्यवस्थापन समितीचे अध्यक्ष व उपाध्यक्ष, मुख्याध्यापिका विशाखा चव्हाण, शिक्षिका श्रद्धा बागवे, अमृता राणे, उज्ज्वला चोकेकर, अंगणवाडी सेविका मोरजकर, मदतनीस गांवकर तसेच पालक उपस्थित होते.
मुख्याध्यापिका विशाखा चव्हाण यांनी अन्वेषा आचरेकर यांचे आभार मानले.
▪️अमित खोत, मालवण
