शिवसेना पेंडूर, सुकळवाड जि.प. मतदारसंघाची बीएलए आढावा बैठक संपन्न

मालवण-कुडाळ विधानसभा बीएलए समन्वयक काका कुडाळकर यांची उपस्थिती :

राजू गावडे, शेखर फोंडेकर यांची बीएलए समन्वयकपदी नियुक्ती ; गोळवण येथील उबाठा कार्यकर्त्याचा शिवसेनेत प्रवेश

मालवण | प्रतिनिधी : मालवण तालुक्यातील पेंडूर व सुकळवाड जिल्हा परिषद मतदारसंघातील बीएलए-2 यांच्या कामकाजाचा आढावा घेण्यासाठी मालवण तालुका शिवसेना वतीने आयोजित बैठक मालवण-कुडाळ विधानसभा बुथ लेवल एजंट (बीएलए) समन्वयक काका कुडाळकर यांच्या प्रमुख उपस्थितीत पार पडली. बैठकीत बीएलएच्या कामाचा सविस्तर आढावा घेण्यात आला. तसेच मतदान केंद्रांवर शंभर टक्के काम पूर्ण करून ते शिवसेना एसआयआर ॲपवर अपलोड करण्याचे महत्त्व स्पष्ट करण्यात आले. आमदार निलेश राणे व जिल्हाप्रमुख दत्ता सामंत यांच्या नेतृत्वाखाली प्रत्येक मतदान केंद्रावर शिवसेनेला क्रमांक एकचा पक्ष बनविण्यासाठी सर्व पदाधिकारी व कार्यकर्त्यांनी एकजुटीने काम करण्याचा निर्धार यावेळी व्यक्त केला. दरम्यान गोळवण येथील उबाठा कार्यकर्ते अनाजी (पप्पी) मुणगेकर यांनी शिवसेनेत प्रवेश केला.
यावेळी शिवसेना तालुकाप्रमुख मंदार लुडबे, माजी जिल्हा परिषद अध्यक्षा तथा सुकळवाड जिल्हा परिषद सदस्या सौ. सुमेधा पाताडे, पंचायत समिती सभापती सौ. प्रज्ञा चव्हाण, विभागप्रमुख सौ. मयुरी घाडीगावकर, दादा नाईक, विभागप्रमुख किरण प्रभू, उपतालुकाप्रमुख आतिक शेख, भाऊ चव्हाण, दया देसाई, बाबली पालव, आंबेरी सरपंच मनमोहन डीचोलकर, देवली उपसरपंच हेमंत चव्हाण यांच्यासह प्रमुख पदाधिकारी व बीएलए-2 उपस्थित होते. पोईप–मसदे शाखाप्रमुख विलास पांजरी यांचा वाढदिवस यावेळी साजरा करण्यात आला.
बैठकीत काका कुडाळकर यांनी पक्ष स्तरावरील बीएलए यांचा कामाचा आढावा घेत मार्गदर्शन केले. विविध बीएलएंनी मांडलेल्या अडचणींचे निराकरण यावेळी करण्यात आले. आगामी निवडणुकांच्या पार्श्वभूमीवर प्रत्येक मतदान केंद्रावर संघटन अधिक सक्षम करण्याचे आवाहनही करण्यात आले.

बीएलए समन्वयक नियुक्ती

यावेळी सुकळवाड जिल्हा परिषद मतदारसंघासाठी बीएलए समन्वयक म्हणून राजू गावडे, तर पेंडूर जिल्हा परिषद मतदारसंघासाठी शेखर फोंडेकर यांची नियुक्ती करण्यात आली. तसेच काही मतदान केंद्रांसाठी नव्याने बीएलएची नियुक्तीही जाहीर करण्यात आली आहे. याबाबत माहिती शिवसेना मालवण तालुकाप्रमुख मंदार लुडबे यांनी दिली.


▪️अमित खोत | मालवण