मालवण | प्रतिनिधी : सिंधुदुर्ग जिल्हास्तरीय एकात्मिक आरोग्यवर्धिनी समितीवर सदस्य म्हणून मालवण नगरपरिषद सौ. ममता मोहन वराडकर यांची निवड करण्यात आली आहे. समितीचे अध्यक्ष पालकमंत्री नितेश राणे असून जिल्हास्तरीय समिती गठीत करण्यात आली आहे.
पालकमंत्री नितेश राणे यांच्या शिफारशीनुसार ही निवड करण्यात आली आहे. याबाबतचे पत्र जिल्हा शल्यचिकित्सक डॉ. श्रीपाद पाटील यांनी दिले आहे. शासनातर्फे ही जिल्हास्तरीय आरोग्यवर्धिनी समिती स्थापन करण्यात येते. सिंधुदुर्ग जिल्ह्याच्या विविध भागातील आरोग्यविषयक समस्या, अडचणी येथे सोडविल्या जातात. मालवण शहरातील आरोग्यविषयक समस्या मांडण्याच्या दृष्टीने नगराध्यक्षा वराडकर यांची निवड करण्यात आली आहे. पालकमंत्री नितेश राणे यांच्या शिफारशीनुसार ही निवड करण्यात आली आहे.
▪️अमित खोत | मालवण
मालवण नगराध्यक्षा सौ. ममता वराडकर यांची जिहास्तरीय आरोग्यवर्धिनी समितीवर निवड
