मालवण : भारतीय जनता पार्टी महाराष्ट्र प्रदेश महिला मोर्चा उपाध्यक्षपदी मालवण कुंभारमाठ येथील भाजपा जेष्ठ नेत्या रश्मी लुडबे यांची नियुक्ती करण्यात आली आहे. याबाबत पत्र आमदार तथा भाजपा, महिला प्रदेशाध्यक्ष चित्रा किशोर वाघ यांनी रश्मी लुडबे यांना दिले आहे.
दिलेल्या पत्रात म्हटले आहे, भारतीय जनता पक्ष महिला मोर्चाच्या राज्य कार्यकारिणीत “उपाध्यक्ष”म्हणून तुमचा समावेश करताना मला मनापासून आनंद होत आहे.
प्रदेशाध्यक्ष रविंद्रदादा चव्हाण आणि राज्याचे यशस्वी व लोकप्रिय मुख्यमंत्री माननीय देवेंद्रजी यांच्या नेतृत्वाखाली, महिला मोर्चाचे संघटन अधिक मजबूत करण्याचे आणि सरकारचे जनकल्याणकारी कार्य तळागाळातील शेवटच्या घटकापर्यंत पोहोचवण्याचे काम तुम्ही अत्यंत प्रभावीपणे कराल, असा मला पूर्ण विश्वास आहे. तुमच्या पुढील यशस्वी वाटचालीस मनापासून शुभेच्छा! पुनश्च हार्दिक अभिनंदन! असे पत्र आमदार तथा भाजपा,महिला प्रदेशाध्यक्ष चित्रा किशोर वाघ यांनी रश्मी लुडबे यांना दिले आहे.
▪️अमित खोत | मालवण
भाजपा महिला मोर्चा महाराष्ट्र प्रदेश उपाध्यक्षपदी रश्मी लुडबे यांची नियुक्ती...
