निवडणुक विभागाच्या वतीने मतदार यादीची विशेष आणि सखोल पडताळणी प्रक्रिया
प्रभाग 9 मध्ये 500 पेक्षा जास्त नागरिकांच्या नोंदणीस सहकार्य
प्रभागातील नोंदणी प्रक्रिया पुर्ण होईपर्यत नागरिकांच्या सर्वातोपरी सहकार्य करण्याची अन्वेशा आचरेकर यांची ग्वाही
मालवण : निवडणुक विभागाच्या वतीने मतदार यादीची विशेष आणि सखोल पडताळणी प्रक्रिया सर्वत्र सुरु आहे. निवडणुक विभागाच्या वतीने बीएलओ मार्फत ही मोहीम सुरु आहे. मालवण शहारातही ही मोहीम सुरु असून दांडी येथे प्रभाग 9 मध्ये नागरिकांच्या नोंदणी प्रक्रियेत नगरसेविका तथा महिला बालकल्याण सभापती अन्वेशा आचरेकर तसेच भाजपा मालवण तालुका उपाध्यक्ष संमेश परब यांचे मोलाचे सहकार्य बीएलओ ना मिळतं आहे. तसेच नागरिकांनाही आवश्यक ती मदत केली जात आहे.
मालवण शहरातील दांडी येथे प्रभाग 9 मध्ये 500 पेक्षा जास्त नागरिकांच्या नोंदणीस अन्वेशा आचरेकर, संमेश परब यांनी उपस्थित राहून सहकार्य केले. तसेचप्रभागातील मतदार पर्यत पोहचून नोंदणी प्रक्रिया पुर्ण होईपर्यत बीएलओ यांना सर्वातोपरी सहकार्य करण्याची ग्वाही अन्वेशा आचरेकर यांनी दिली.
SIR फॉर्म भरणे अर्थात निवडणुक विभागाच्या वतीने मतदार यादीची विशेष आणि सखोल पडताळणी प्रक्रिया सर्वत्र सुरु आहे.
मतदार यादीत नावे जोडणे. नाव रद्द करणे: मृत पावलेल्या, स्थलांतरित झालेल्या किंवा एकापेक्षा जास्त ठिकाणी नाव असलेल्या बोगस मतदारांची नावे यादीतून वगळणे. बुथ लेव्हल ऑफिसर घरी येऊन तुमच्या कुटुंबाची आणि मतदारांची माहिती तपासून एसआयआर फॉर्म भरून घेतले जात आहेत.
निवडणूक विभागाच्या या महत्वपूर्ण प्रक्रियेत नियमात राहून बीएलओ ना परिसरात घरोघर जाताना तसेच मतदार पर्यत पोहचताना प्रभाग 9 मध्ये नगरसेविका अन्वेशा आचरेकर, भाजपा मालवण तालुका उपाध्यक्ष संमेश परब यांचे सहकार्य लाभत आहे.
▪️अमित खोत | मालवण
नगरसेविका अन्वेशा आचरेकर यांचे SIR फॉर्म भरणे उपक्रमास विशेष सहाय्य
