संतापजनक आणि अशोभनीय कृत्य...

विनायक राऊत व त्यांच्या मुलाला कठोर शिक्षा व्हावी

शिवसेना मालवण शहर प्रमुख तथा उपनगराध्यक्ष दिपक पाटकर यांनी मांडली संतप्त भूमिका

मालवण : माजी खासदार विनायक राऊत यांनी आपली सून गिरिजा राऊत यांच्यावर केलेला जादूटोणा आणि अघोरी कृत्य तसेच दिलेल्या त्रासाचा पर्दाफाश झालेला आहे. स्वतःच्या घरातील एका महिलेशी अशी कृत्ये करणे हे माजी लोकप्रतिनिधीला शोभणारे नाही. त्यामुळे या प्रकरणाची सखोल चौकशी व कठोर कारवाई होऊन गिरिजा यांना न्याय मिळावा. अशी संतप्त भूमिका शिवसेना मालवण शहर प्रमुख तथा उपनगराध्यक्ष दिपक पाटकर यांनी स्पष्ट केली आहे.

माजी खासदार हे विनायक राऊत, त्यांचा मुलगा गितेश राऊत यांची कसून चौकशी व्हावी. कारण, पुन्हा अशी कृत्ये समाजात होणार नाहीत. त्यामुळे राज्य सरकारने या प्रकरणी पीडित गिरिजा यांचे पती गीतेश अन्य संशियतांवर यांचा खटला फास्ट ट्रॅक कोर्टात चालवावा.

विनायक राऊत ठाकरे गटाचे पदाधिकारी आहेत. तर गीतेश राऊत मुंबई महापालिकेत ठाकरे गटाचे नगरसेवक आहेत. या दोघांचे वर्तन अशोभनीय असून याबाबत त्यांची हकालपट्टी पक्षातून होणे गरजेचे आहे. तसेच गीतेश राऊत यांनी आपल्या नगरसेवक पदाचा राजीनामा द्यावा, अशी मागणी दिपक पाटकर यांनी केली आहे.

विनायक राऊत हे आपण धार्मिक असल्याचे भासवितात पण पडद्यामागून ते अंधश्रद्धा, अघोरी विद्या यांच्यात अडकलेले आहेत. राऊत पिता-पुत्राचे पितळ उघडे पडले आहे. घरातील एका महिलेचा मानसिक छळ करतात हे अशोभनीय असून या प्रकरणी राऊत पिता-पुत्रांना कडक शिक्षा व्हावी, अशी भूमिका दिपक पाटकर यांनी मांडली आहे.