मालवण नगरपरिषद माध्यमातून शहरात विविध ठिकाणी बेंचेस बसवणार..

नागरिकांच्या बैठक व्यवस्थेसाठी उपक्रम : नगराध्यक्षा ममता वराडकर यांची माहिती


मालवण | प्रतिनिधी : मालवण नगरपरिषदेच्या माध्यमातून शहरातील विविध भागात सार्वजनिक ठिकाणी नागरिकांच्या बैठक व्यवस्थेसाठी सिमेंट बेंचेस बसवण्यात येत आहेत. शहरातील महत्वाच्या ठिकाणी जागा निश्चिती करून हे बेंचेस बसवले जाणार आहेत.

मालवण नगरपरिषद माध्यमातून हे बेंचेस बसवले जात आहेत. नागरिकांची गरज, मागणी याचा विचार करता शहरात अधिकाधिक सोई सुविधा निर्माण करणे याला प्राधान्य दिले जात आहे. त्याच पार्श्वभूमीवर हा बँचेस बसवण्याचा उपक्रम ही राबवला जात आहे.

मालवण शहाराचा सर्वांगीण विकास हेच लक्ष ठेवून नगरपरिषद काम करत आहे. विविध विकासकामांसाठी आमदार निलेश राणे यांच्या नेतृत्वात कोट्यावधी निधी मालवण शहरात प्राप्त होत आहे. अनेक विकासकामे प्रगतीपथावर आहेत.

खासदार नारायण राणे यांच्या मार्गदर्शनाखाली पालकमंत्री नितेश राणे, आमदार निलेश राणे यांच्या नेतृत्वात व शिवसेना जिल्हाप्रमुख दत्ता सामंत यांच्या सहकार्यतुन मालवण शहराच्या सर्वांगीण विकासासाठी नगरपरिषद सर्व नगरसेवक कटीबद्ध आहोत. असे नगराध्यक्षा ममता वराडकर यांनी या निमित्ताने सांगितले.