मालवण तालुक्यात 40 घरांचे नुकसान

पाऊस व जोरदार वाऱ्यामुळे पडझड झाल्यामूळे नुकसान

मालवण | प्रतिनिधी : यावर्षी पावसाळी हंगामात आतापर्यंत जोरदार वारे आणि पाऊस यामुळे अनेक ठिकाणी पडझडीच्या घटना घडल्या आहेत. मालवण तालुक्यात सुमारे 40 घराचे पडझडमुळे नुकसान झाले आहे.

नुकसान झालेल्या ठिकाणी पंचनामे करण्यात आले असून नुकसान ग्रस्ताना नुकसान भरपाई देण्याबाबत पुढील कार्यवाही सुरु असल्याची माहिती तहसीलदार गणेश लव्हे यांनी दिली आहे.

यावर्षी पावसाचे आगमन उशिराने झाले मात्र गेले काही दिवस सातत्याने पडणाऱ्या पावसाने व जोरदार वाऱ्यामुळे पडझड घटना मोठया प्रमाणात घडल्या. तसेच मान्सून पुर्व काळात जोरदार वाऱ्यामुळे काही ठिकाणी पडझड झाली होती. या पावसाळी हंगामात आतापर्यत 40 घरांचे नुकसान झाले आहे. नुकसान पंचनामे करण्यात आले असून पुढील कार्यवाही सुरु असल्याचे तहसीलदार यांनी माहिती देताना सांगितले.