भाजपा जिल्हाध्यक्ष प्रभाकर सावंत यांच्याकडून मदतीचा हात
मालवण | प्रतिनिधी : जोरदार वारे आणि संततधार पाऊस यामुळे पडझडीच्या घटना घडत आहेत. मालवण तालुक्यातील तिरवडे येथील शरद अर्जुन गावडे यांच्या घरावर झाड कोसळून मोठे नुकसान झाले. दरम्यान भाजपा जिल्हाध्यक्ष प्रभाकर सावंत यांनी त्या ठिकाणी भेट देऊन गावडे कुटुंबियांना मदत सुपूर्द केली.
शरद अर्जुन गावडे यांच्या घरावर झाड कोसळले, याबाबत भाजपा तालुका सरचिटणीस विजय निकम यांनी तालुकाध्यक्ष धोंडी चिंदरकार यांच्या माध्यमातून जिल्हाध्यक्ष प्रभाकर सावंत यांचे लक्ष वेधले. प्रभाकर सावंत यांनी तात्काळ त्या ठिकाणी भेट देऊन नुकसानीची पाहाणी केली. तसेच तातडीची मदत गावडे यांना सुपूर्द केली.
यावेळी पंचायत समिती सदस्य संतोष गावडे, सरपंच रेश्मा गावडे, उपसरपंच सुशील गावडे, बुथ अध्यक्ष रामचंद्र सावंत, जयद्रथ परब, उमेश गावडे उपस्थित होते.
