मालवण | प्रतिनिधी : उमेश चव्हाण मित्रमंडळाच्या वतीने रेवतळ येथील महापुरुष मैदानावर २ ते ५ जुलै या कालावधीत भव्य पावसाळी क्रिकेट स्पर्धेचे आयोजन करण्यात आले आहे. या स्पर्धेचे वैशिष्ट्य म्हणजे 'एक गाव – एक संघ' या संकल्पनेवर आधारित सामने खेळविण्यात येणार आहेत.
स्पर्धेतील विजेत्या संघाला ₹२१,००० रोख रक्कम व आकर्षक चषक, तर उपविजेत्या संघाला ₹११,००० रोख रक्कम व आकर्षक चषक देऊन गौरविण्यात येणार आहे. याशिवाय उत्कृष्ट फलंदाज, गोलंदाज, क्षेत्ररक्षक, सामनावीर आदीं साठी आकर्षक वैयक्तिक बक्षिसांचीही व्यवस्था करण्यात आली आहे.
ही स्पर्धा महापुरुष रेवतळ मैदानावर रंगणार असून परिसरातील क्रिकेटप्रेमींमध्ये स्पर्धेबाबत उत्साहाचे वातावरण आहे. स्पर्धेत सहभागी होऊ इच्छिणाऱ्या संघांनी पियुष आल्मेडा ९३०७९१५१७१ किंवा उमेश चव्हाण ९४०४९३३३७७ यांच्याशी संपर्क साधावा, असे आवाहन आयोजकांनी केले आहे.
