युथ बिट्स फॉर क्लायमेट संस्थेमार्फत रेस्क्यू ...
कांदळवन विभागाच्या सागरी वन्यजीव उपचार केंद्राकडे केले स्वाधीन....
मालवण | प्रतिनिधी:- मालवण तारकर्ली येथे दि. 21/06/2026 रोजी श्री. भाई सक्रे हे समुद्रावर फिरण्यासाठी गेले असता किनाऱ्याकडे एक पक्षी उडू शकत नव्हता असे त्यांच्या निदर्शनास आले. तो पक्षी त्यांनी रवी मालवणकर यांच्या घरी सुखरूप आणला.
विजय टक्के, धनंजय झाड, नंदकुमार जोशी यांनी लगेच युथ बिट्स फॉर क्लायमेट संस्थेशी संपर्क केला असता दर्शन वेंगुर्लेकर व ईकोमेट्स चे सदस्य भार्गव खराडे, संजय परुळेकर हे त्याठिकाणी तातडीने पोहोचले व तो पक्षी 'मास्कड बुबी' आहे असे समजले. त्यानंतर दर्शन वेंगुर्लेकर यांनी कांदळवन विभागास फोन करून त्याबद्दलची माहिती दिली. त्यानंतर कांदळवन विभागाच्या सागरी वन्यजीव उपचार केंद्रामध्ये त्या मास्कड बुबीला सुरक्षित सुपूर्त करण्यात आले. यावेळी कांदळवन विभागाचे अधिकारी उपस्थित होते.
