गाबीत समाज चिंतन शिबिराचे पनवेल येथे १८ व १९ जुलै रोजी आयोजन..

मालवण | प्रतिनिधी :- गाबीत समाजाच्या सर्वांगीण विकासासाठी आणि समाज संघटनेतील एकजुटीने कार्य करण्यासाठी एकत्रित विचारमंथन करण्याच्या दृष्टीने शनिवार दि. १८ व १९ जुलै रोजी निवासी चिंतन शिबिराचे आयोजन अखिल भारतीय गाबीत समाज महासंघाच्या अधिप्त्याखाली एम. जे. रिसॉर्ट बु. उसर्ली, पनवेल येथे करण्यात आले आहे.

दि. १८ जुलै रोजी सायंकाळी ४ वाजता दीपप्रज्वलन व शिबीर उद्घाटन होणार असून यावेळी अध्यक्ष म्हणून अखिल भारतीय गाबीत समाज महासंघाचे अध्यक्ष माजी आमदार परशुराम उपरकर उपास्थित राहणार आहेत. सूत्रसंचालन गणपत (बाळ) मणचेकर करणार आहेत. सायं. ४. १५ वा. गाबीत समाज मुंबईचे अध्यक्ष सुजय धुरत यांचे मनोगत सायं. ५ वा. - संघटना व प्रशासकीय कामकाज- चंद्रशेखर उपरकर (अध्यक्ष सिंधुदुर्ग गाबीत समाज), सायं. ६ वा. समाज कार्यकर्ता प्रबोधन - रतनकुमार झाजम (कार्याध्यक्षः अ. भा. गा. स. महासंघ), सायं. ७ वा. - गाबीत समाज इतिहास - नारायण आडकर (अ.भा.गा. समाज महासंघ), वासुदेव मोंडकर (माजी सरविटणीस अ.भा.गा.समाज महासंघ गाबीत), रात्री ८ वा. मुक्त संवाद व कार्यकर्ता चर्चा - अशोक पराडकर, धर्माजी पराडकर, सुदर्शन सारंग, रात्री १० वा. स्नेह भोजन व सांस्कृतिक कार्यक्रम होणार आहेत.

दि. १९ जुलै रोजी सकाळी ९. १० वा. पर्यटन व समाज - मार्गदर्शक - शाम चौघुले, सकाळी १० वा. मत्स्य शेती व राज्य योजना - ऍड. काशिनाथ तारी (ज्येष्ठ नेते व उद्योजक), सकाळी ११ वा. सहकार व समाज - नंदकुमार हरम (उद्योजक) दुपारी १२ वा. परशुराम उपरकर यांचे अध्यक्षीय भाषण, दुपारी १ वा. स्नेहभोजन, दुपारी ३ वा. कार्यकर्ता संवाद कार्यक्रम होऊन समारोप होणार आहे.

तरी गाबीत समाज सिंधुदुर्गच्या जिल्हा कार्यकारिणी सदस्यांनी तसेच मालवण, देवगड, वेंगुर्ला, कुडाळ, सावंतवाडी, दोडामार्ग, कणकवली येथील गाबीत समाज पदाधिकारी व कार्यकर्ते तसेच महिला कार्यकर्त्या आणि गाबीत समाजातील नगरसेवक, पंचायत समिती सदस्य अथवा ग्रामपंचायत सदस्य, तथा इच्छुक विविध संस्था पदाधिकारी यांनी आपली उपस्थिती नोंद करून समाजासाठी एकसंघ काम करण्याची संधी प्राप्त करावी आणि समाज कार्यात सहभाग घ्यावा. शिबिरात सहभागी होण्यासाठी ५ जुलै पर्यंत नावनोंदणी करावी. प्रवेश शुल्क पाठविण्यासाठी व अधिक माहितीसाठी श्री. बाळा ऊर्फ गणपत मणचेकर (सरचिटणीस- गाबीत समाज महासंघ, मुंबई) - ९८१९७८१०१८ यांच्याशी संपर्क साधावा, असे आवाहन गाबीत समाज सिंधुदुर्गचे जिल्हाध्यक्ष चंद्रशेखर उपरकर व सरचिटणीस महेंद्र पराडकर यांनी केले आहे.