वायरी, तारकर्ली व देवबाग येथील बारा प्राथमिक शाळा व दोन हायस्कुल येथे शैक्षणिक साहित्याचे वितरण : उपक्रमाचे हे सलग सातवे वर्ष
मालवण : 'कमी तेथे आम्ही' या व्हाट्सअप ग्रुप मार्फत वायरी, तारकर्ली व देवबाग मधील एकूण बारा प्राथमिक शाळा व दोन हायस्कूल येथे विध्यार्थ्यांना शैक्षणिक साहित्याचे वितरण करण्यात आले. सामाजिक भावानेतून अविरत शैक्षणिक सामाजिक सेवाकार्य करणाऱ्या कमी तिथे आम्ही या ग्रुपच्या या उपक्रमाचे हे सलग सातवे वर्ष आहे.
खरं तर या ग्रुपमध्ये सुमारे 280 सदस्य आजमितीस आहेत. हे सर्वजण आपल्यापरीने दरवर्षी मे महिन्यात ग्रुपवर रक्कम गोळा करतात. विशेष म्हणजे दरवर्षी रक्कम आणि ग्रुपवरचे सदस्य सुद्धा वाढत आहेत. हि सकारात्मक गोष्ट व सर्वांच्या चांगल्या कामाची पोचपावती म्हणावी लागेल.
पहिली पासून शैक्षणिक साहित्य वाटप आणि त्यातून सर्वसामान्य विद्यार्थी यांची गरज भागते हे त्याहूनही उत्तम कार्य होत आहे. ग्रुपचे सदस्य रक्कम गोळा करून माफक दरात स्वखर्चाने सर्व साहित्य कोल्हापूरवरून समक्ष जाऊन घेऊन येतात. यावर्षी 12 प्राथमिक शाळा आणि दोन हायस्कूल मधील सुमारे 240 विद्यार्थ्यांना या उपक्रममाचा लाभ देण्यात आला.
▪️अमित खोत, मालवण
