कुडाळात मोटारसायकलच्या धडकेत पादचाऱ्याचा मृत्यू

निलेश जोशी | कुडाळ : कुडाळ पंचायत समिती कार्यालय जवळ शहरातील मुख्य रस्त्यावर मोटारसायकलची प्रकाश अनंत मेस्त्री 75 रा भैरवाडी या पादचारी नागरिकाला धडक बसल्याने ते जखमी झाले. लागलीच जखमीला कुडाळ येथील ग्रामीण रुग्णालयात उपचारासाठी दाखल करण्यात आले. मात्र उपचार सुरु असताना त्यांचे निधन झाले हा अपघात सोमवारी सायं. 6.30 वाजताच्या सुमारास झाला.
कुडाळ नवीन बसस्थानक येथून शहराच्या दिशेने मोटारसायकलस्वार येत होता. पंचायत समिती नजिक त्याच्या मोटारसायकल समोर अचानक एक पादचारी समोर आले. त्यांना मोटारसायकलची धडक बसली. यात त्यांना गंभीर दुखापत झाली. लागलीच त्यांना 108 क्रमांक रूग्णवाहिकेने येथील रूग्णालयात उपचारासाठी दाखल करण्यात आले. तेथे वैद्यकीय अधिकाऱ्यांनी त्यांच्यावर उपचार सुरू केले होते मात्र अखेर त्याच निधन झाले.
मोटारसायकलस्वाराने पोलिस ठाण्यात जाऊन याबाबत माहिती दिली अपघात नोंद करण्याची प्रक्रिया उशिरापर्यंत पोलिस ठाण्यात सुरू होती.