शहीद विजय साळसकर यांचे प्राथमिक शिक्षण झाले होते याच प्रशालेत
ग्रामस्थ व पालकांनी आमदार नितेश राणे यांचे मानले आभार
वैभववाडी | प्रतिनिधी : एडगांव येथील रामेश्वर विद्या मंदिर प्रशालेच्या इमारत बांधकामासाठी आमदार नितेश राणे यांनी पाच लाख रु. चा निधी मंजूर केला आहे. या कामाचा आमदार नितेश राणे यांच्या उपस्थितीत एडगांव - वायंबोशी गावच्या नूतन उपसरपंच प्रज्ञा प्रमोद रावराणे यांच्या हस्ते पार पडला.
आमदार नितेश राणे यांच्या हस्ते वैभववाडी आयटीआय चा नामांतरण सोहळा पार पडला. या आयटीआय ला एडगांव गावचे सुपुत्र शहीद विजय साळसकर यांचे नाव देण्यात आले आहे.
शहीद विजय साळसकर यांचे प्राथमिक शिक्षण एडगाव येथील रामेश्वर विद्यामंदिर प्रशालेत झाले. त्या शाळेच्या बांधकामासाठी व सुशोभीकरणसाठी आमदार नितेश राणे यांनी निधी उपलब्ध करुन दिला आहे. या कामाचा शुभारंभ आज पार पडला. गावच्या विकासासाठी भरघोस निधी दिल्याबद्दल गावचे सुपुत्र जयेंद्र रावराणे व प्रमोद रावराणे यांनी आमदार नितेश राणे यांचे आभार मानले. यावेळी एडगाव ग्रामस्थ, पदाधिकारी, अधिकारी मोठ्या संख्येने उपस्थित होते.
