आ. वैभव नाईक यांच्या निधीतून हायमास्ट उभारणी : युवासेना समन्वयक मंदार ओरसकर, तपस्वी मयेकर यांची माहिती
मालवण : छत्रपती शिवाजी महाराज यांच्या पदस्पर्शाने पावन झालेल्या मालवण भूमितील श्री क्षेत्र मोरयाचा धोंडा हे ठिकाण आमदार वैभव नाईक यांच्या प्रयत्नातून प्रकाशमान झाले आहे. आमदार वैभव नाईक यांच्या निधीतून उभारणी झालेला हायमास्ट प्रकाशमान झाला आहे. अशी माहिती युवासेना तालुका समन्वयक मंदार ओरसकर, तपस्वी मयेकर यांनी दिली आहे.
सिंधुदुर्ग किल्ल्यांचे ज्यावेळी बांधकाम सुरू करण्यात आले. त्यावेळी किल्ल्याची पाया भरणी या ठिकाणी झाली. हे ऐतिहासिक धार्मिक ठिकाण आहे. हा परिसर प्रकाशमान झाला आहे.हे काम मंजूर होण्यासाठी उपशहर प्रमुख संमेश परब, माजी नगरसेविका सेजल परब, माजी नगरसेविका तृप्ती मयेकर यांचा पाठपुरावा होता. अशी माहिती मंदार ओरसकर यांनी दिली.
