आमदार वैभव नाईक यांनी निधी उपलब्ध केला
जिल्हा प्रवक्ते मंदार केणी यांची माहिती
मालवण : मालवण शहर देऊळवाडा बांदेकर घर ते वालावलकर व्हाळी पर्यंत गटाराचे बांधकाम करणे कामाचे भूमिपूजन संदीप वालावलकर यांच्या हस्ते करण्यात आले.
या विकास कामाबाबत आमदार वैभव नाईक यांनी निधी उपलब्ध करुन दिल्याबद्दल नागरिकांनी मानले आभार. अशी माहिती शिवसेना (उद्धव बाळासाहेब ठाकरे ) पक्षाचे जिल्हा प्रवक्ते मंदार केणी यांनी दिली.
खूप वर्ष देऊळवाडा भागातील नागरिकांची मागणी होती. कुंभारमाठ उतारावर येणारे पाणी रस्त्यावरून वाहत असायचे. त्यामुळे पावसाळ्यात अपघात घडण्याची शक्यता होती. तसेच वाहत्या पाण्यामुळे समस्या निर्माण व्हायची. याबाबत नागरिकांच्या मागणी नुसार काम मंजूर झाले आहे.
यावेळी मंदार केणी यांसह, नीना मुंबरकर, सुहास वालावलकर मोहन माराळ, कृष्णा बांदेकर, श्यामा डीचोलकर, बाबली आम्रडकर, शानु बांदेकर, शामा डिचोलकर, दिलीप वालावलकर, उमेश डिचवलकर इतर नागरिक उपस्थित होते.
