अतुल बंगे यांनीसुद्धा शासकीय मदतीसाठी केला पाठपुरावा
निलेश जोशी | कुडाळ : कुडाळ तालुक्यातील हुमरमळा (वालावल) गावातील निराधार कुटुबाला आमदार वैभव नाईक यांनी आर्थिक मदत केलीच पण त्याच बरोबर दरमहा तीन हजार शासकीय मदत सुरु करण्यासाठी पाठपुरावा केला.
हुमरमळा (वालावल) गावातील शोभा हळदणकर ही शाळेतील स्वयंपाक करुन आपला उदरनिर्वाह करीत असताना अचानक पॅरॅलीसीसने एक बाजु पुर्ण निकामी झाली. गेले कित्येक दिवस त्या अंथरुणाला खिळून आहेत. तिचे पती वयोवृद्ध असल्याने त्यांनाही अतुल बंगे यांच्या प्रयत्नातून शासकीय मदत सुरू झाली. तसेच आजारी असलेली शोभा हळदणकर हीलाही संजय गांधी निराधार योजना सुरू करुन दरमहा शासकीय मदत सुरु करुन एका कुटुंबाला दरमहीना तीन हजार मिळतील असे प्रयत्न माजी सरपंच सौ अर्चना बंगे यांनी केले.
अशातच या निराधार कुटुंबाची कल्पना सरपंच अमृत देसाई, ग्रामपंचायत सदस्य मितेश वालावलकर, ग्रामपंचायत सदस्या सौ हेमांगी कद्रेकर यांनी आमदार वैभव नाईक यांच्याकडे परिस्थिती सांगुन काही मदतीची मागणी केली होती. त्यानुसार आम. वैभव नाईक यांनी आज वैयक्तिक रोख स्वरूपात मदत माजी पंचायत समिती सदस्य अतुल बंगे, माजी सरपंच सौ अर्चना बंगे, हेमंत कद्रेकर, गुरु परकर, दादा परकर यांच्या उपस्थितीत देण्यात आली. यावेळी महादेव हळदणकर व शोभा हळदणकर या दांपत्याने आमदार वैभव नाईक यांचे आभार मानले.
