मालवण |प्रतिनिधी : मालवण तालुक्यातील उत्तर विभाग शिक्षण साहाय्यक समिती संचालित ओझर विद्यामंदिर कांदळगाव प्रशालेमध्ये आज ५ जून रोजी जागतिक पर्यावरण दिन उत्साहात संपन्न झाला. जागतिक पर्यावरण दिनाच्या निमित्ताने प्रशालेच्या विद्यार्थ्यांमार्फत ओझर विद्यामंदिर परिसरात वृक्ष लागवड करण्यात आली.
इयत्ता दहावीचे विद्यार्थी - ओंकार राणे, केदार चव्हाण, विघ्नेश कुंभार, गौरव धुरी, रिद्धी कदम, अमृता बागवे, हर्षाली लाड, स्वप्नाली सुर्वे व भक्ती तेली यांनी वृक्ष लागवडीसाठी श्रमदान केले. वृक्ष लागवडीनंतर विद्यार्थ्यांनी काही वृक्षांना फुले व पुष्पहार घालून वृक्षांच्याप्रति कृतज्ञता व्यक्त केली.
वृक्ष लागवडीनंतर ओझर विद्यामंदिरचे प्रभारी मुख्याध्यापक डी. डी. जाधव यांनी जागतिक पर्यावरण दिन व वृक्ष लागवडीचे महत्त्व विद्यार्थ्यांना सांगितले. या कार्यक्रमा प्रसंगी ओझर विद्यामंदिर कांदळगाव प्रशालेच्या शालेय समितीचे अध्यक्ष किशोर नरे, सदस्य विजय कांबळी व जयराम कांबळी तसेच शाळेच्या हरित सेना विभागाचे प्रमुख शिक्षक प्रवीण पारकर, ए. ए. शेर्लेकर व शिक्षकेतर कर्मचारी रविराज जाधव आणि मधुसुदन परुळेकर हे उपस्थित होते. 
ओझर विद्यामंदिरच्या विद्यार्थ्यांनी व शिक्षकांनी मिळून हा स्तुत्य उपक्रम राबवल्याबद्दल शालेय समितीचे अध्यक्ष किशोर नरे यांनी सर्वांचे अभिनंदन केले.
