मालवण | प्रतिनिधी : मालवण नगरीचे माजी लोकनियुक्त नगराध्यक्ष महेश कांदळगांवकर यांनी सपत्नीक राज्याचे मुख्यमंत्री तथा शिवसेना मुख्य नेते एकनाथ शिंदे यांच्या प्रमुख उपस्थितीत ठाणे येथे शिवसेनेत प्रवेश केला. मालवणात ठाकरे गट आमदार वैभव नाईक यांना धक्का बसला आहे.
कोणत्याही पदाची अपॆक्षा व्यक्त केली नाही. कोणत्याही पदासाठी पक्षप्रवेश केला नाही. मालवण शहराचा जनतेला अपेक्षित अधिकाधिक विकास हेच धोरण ठेऊन आपण शिवसेनेत प्रवेश केला असे महेश कांदळगांवकर यांनी पक्ष प्रवेश नंतर स्पष्ट केले.
यावेळी रत्नागिरी सिंधुदुर्ग प्रभारी आमदार रवींद्र फाटक, शिवसेना सिंधुदुर्ग निरीक्षक दीपक वेतकर, सिंधुदुर्ग युवासेना जिल्हा प्रमुख ऋत्विक सामंत, युवतीसेना जिल्हा प्रमुख सोनाली पाटकर, सिंधुदुर्ग जिल्हा मा. सचिव किसन मांजरेकर, नम्रता फाटक मॅडम, सौ. स्मृती कांदळगांवकर यांसह अन्य पदाधिकारी उपस्थित होते.
