मालवण रॉक गार्डन येथे "उंबरठ्या मागचे वादळ" बाल अत्याचार विरोधी जनजागृती पथनाट्या सादर.... !
सिंधुदुर्ग पोलीस दलाच्या बॅड पथक कलेचे ही सादरीकरण..
राहुल जाधव | मालवण :
सिंधुदुर्ग अप्पर पोलीस अधीक्षक नयोमी साटम यांच्या संकल्पनेतून पोलीस काका, पोलीस दीदी उपक्रमातंर्गत कुडाळच्या बॅ. नाथ पै कॉलेज ऑफ नर्सिंगच्या विद्यार्थांनी सादर केलेल्या "उंबरठ्या मागचे वादळ" या बाल अत्याचार विरोधी जनजागृती पथनाट्याने उपस्थितांची मने जिंकली.
मालवण रॉक गार्डन येथे सिंधुदुर्ग पोलीस आणि मालवण पोलीस ठाण्याच्या वतीने या कार्यक्रमाचे आयोजन करण्यात आले होते.
या कार्यक्रमा प्रसंगी सिंधुदुर्ग पोलीस दलाच्या बॅड पथकाने आपल्या कलेचे सादरीकरण केले. मालवण रॉक गार्डन या ठिकाणी पर्यटक तसेच लहान मुलांची नियमित वर्दळ असल्याने सिंधुदुर्ग पोलीस आणि मालवण पोलीस यांच्या वतीने कुडाळच्या बॅ. नाथ पै कॉलेज ऑफ नर्सिंगच्या विद्यार्थांनी 'बाल अत्याचार विरोधी पथनाट्य सादर केले.
यावेळी मालवण पोलीस निरीक्षक मारुती जगताप, ए. पी. आय. गणेश माने, डब्ल्यु.पी.एस.आय. प्रतिज्ञा खोत, पी.एस.आय. खाडे, श्री. सावंत, श्री. गावडे, समुपदेशक महेंद्र जाधव, महिला समुपदशन केंद्र पोलीस स्टेशन आवर कुडाळ, बॅ.नाथ पै कॉलेज ऑफ नर्सिंग कुडाळ चे प्राध्यापक उपस्थित होते. कार्यक्रमाचे सूत्र संचालन सहाय्यक पोलीस निरीक्षक नलिनी शिंदे यांनी केले.
▪️अमित खोत | मालवण
