इशारा देताना सांगितले….
जुबेर खान | मालवण : मालवण शहरात भटक्या कुत्र्यांचा वावर वाढला असून कुत्र्यांनी चावा घेतल्याचा घटना देखील वाढल्या आहेत. त्यामुळे शहरातील भटक्या कुत्र्यांचा बंदोबस्त करण्याबाबतचे निवेदन महाराष्ट्र नवनिर्माण सेना सिंधुदुर्ग उपजिल्हाध्यक्ष गणेश वाईरकर यांच्यावतीने मालवण नगरपरिषद कार्यालयात देण्यात आले आहे.
मालवण शहरात भटक्या कुत्र्यांचा वावर वाढला असून काही दिवसांपूर्वीच शहरातील एका लहान बालकावर भटक्या कुत्र्याने जीवघेणा हल्ला केला. या सर्व प्रकारास संपूर्णपणे पालिका प्रशासन जबाबदार आहे असून घडलेल्या प्रकाराची पुनरावृत्ती होऊ नये, म्हणून पालिका प्रशासनाने तात्काळ उपाय करणे बंधनकारक होते. परंतू अशा कोणत्याही प्रकारची उपाययोजना दिसून आली नाही, असे निवेदनात म्हटले आहे.
भटक्या कुत्र्यांबाबत येत्या १५ दिवसात उपाययोजना न झाल्यास महाराष्ट्र नवनिर्माण सेनेच्यावतीने नगरपालिका प्रशासनासमोर तीव्र आंदोलन छेडण्यात येईल, असा इशारा देखील मनसेच्या वतीने निवेदनाद्वारे देण्यात आले आहे.
यावेळी मनसे उपजिल्हाध्यक्ष गणेश वाईरकर, अमित इब्रामपूकर, माजी शहराध्यक्ष विशाल ओटवणेकर, गुरू तोडणकर, सागर जाधव आदी उपस्थित होते.
