'मुख्यमंत्री माझी शाळा, सुंदर शाळा' उपक्रमात तालुक्यात पहिला क्रमांक प्राप्त झाल्याने कार्यक्रमाचे आयोजन
मालवण | प्रतिनिधी : मालवण शहरातील अनंत शिवाजी देसाई हायस्कूलने 'मुख्यमंत्री माझी शाळा सुंदर शाळा' या महत्त्वाकांक्षी उपक्रमाच्या दुसऱ्या टप्प्यात तालुक्यात प्रथम क्रमांक प्राप्त केला. या निमित्ताने अ. शि. दे. टोपीवाला हायस्कूलच्या वतीने 'आनंदसोहळा' आयोजित करण्यात आला आहे.
मालवण गुरुवर्य श्री जयवंत भगवान बिरमोळे रंगमंच येथे गुरुवार १० ऑक्टोंबर रोजी सकाळी ८ वाजता या सोहळ्याला सुरुवात होणार आहे.
मान्यवरांच्या हस्ते दीप प्रज्वलन, प्रतिमापूजन आणि सरस्वती स्तवनाने कार्यक्रमाची सुरुवात होणार आहे. त्यानंतर मान्यवरांचे स्वागत करून 'मुख्यमंत्री माझी शाळा, सुंदर शाळा' या महत्त्वाकांक्षी उपक्रमामध्ये हायस्कूलने प्रथम क्रमांक प्राप्त करण्यामध्ये मोलाचा वाटा असलेले शाळेचे मुख्याध्यापक आणि शिक्षक यांचा स्मृतिचिन्ह देऊन मान्यवरांच्या हस्ते सत्कार करण्यात येणार आहे. यावेळी यक्षगान नृत्य सादर केले जाणार आहे. तरी विद्यार्थी, पालक वर्ग व ग्रामस्थांनी यावेळी उपस्थित राहावे असे आवाहन अ. शि. दे. टोपीवाला हायस्कूल मालवणच्या वतीने करण्यात आले आहे.
