उपाध्यक्ष डॉ. सिद्धेश सकपाळ, सचिव डॉ. अमोल हुले
रॉयल मालवणी संस्थेची नोंदणी
जुबेर खान : मालवण : मालवण तालुक्यात आरोग्य सेवा देत त्यासोबतच क्रिकेट च्या माध्यमातून एकत्र येऊन जिवलग मैत्रीचे नाते निर्माण झाले. आणि सामाजिक कार्याची आवड असलेल्या या तरुण डॉक्टरांनी रॉयल मालवणी या सेवाभावी संस्थेत याचे रूपांतर केले. याच वर्षी या संस्थेच्या वतीने सिंधुदुर्ग डॉक्टर प्रीमिअर लीग या क्रिकेट सामन्याचे आयोजन करण्यात आले होते. संपूर्ण जिल्ह्यातील डॉक्टर यात सहभागी झाले होते. जिल्ह्यातील डॉक्टर्स मध्ये मैत्री भाव वाढावा या उद्देशाने केलेला हा प्रयत्न अगदी छान सफल झाला. त्यातून आलेल्या निधीतून काही सामाजिक कार्यामध्ये भाग घेतला.
वैद्यकीय, सांस्कृतिक, शैक्षणिक, क्रीडा, सामाजिक, पशुसंवर्धन, पर्यावरण पूरक. अशी अनेक उद्दिष्टे घेऊन ही संस्था काम करत आहे.
या संस्थेचे अध्यक्ष डॉ. अभय परब तर उपाध्यक्ष डॉ. सिद्धेश सकपाळ, सचिव डॉ. अमोल हुले, खजिनदार डॉ. स्वप्निल भोगटे, सल्लागार डॉ. नसीर पटवेकर, डॉ. राहुल वझे आहेत. आणि डॉ.सुनील साळुंखे, डॉ. राहुल चिंदरकर, डॉ. रोहित डगरे, डॉ.प्रथमेश वालावलकर, डॉ. हर्षद पवार, डॉ.धनंजय सावंत, डॉ.धनंजय आचरेकर हे कार्यकारिणी सदस्य आहेत.
यासाठी संस्थेसाठी डॉ. विवेक रेडकर सर यांचे मार्गदर्शन लाभले असून जिल्ह्यात नर्सिंग कॉलेज व्हावे आणि त्यातून आरोग्य सेवेला अजून उभारी मिळावी, आणि अशा सारखे अनेक उपक्रम करावेत असे स्वप्न या संस्थेचे आहे. असे या प्रसंगी अध्यक्ष डॉ अभय परब यांनी सांगितले
