राजकोट येथील दुर्घटना ही खरच दुर्घटना आहे की कुठल्या कटाचा भाग
भाजपा नेते माजी खासदार निलेश राणे यांचे सिंधुदुर्ग जिल्हा पोलीस अधीक्षक यांना निवेदन
मालवण : मालवण राजकोट येथील छत्रपती शिवाजी महाराज पुतळा दुर्घटनेबाबत आमदार वैभव नाईक यांची सखोल चौकशी करावी. अशी मागणी भाजपा नेते माजी खासदार निलेश राणे यांनी सिंधुदुर्ग जिल्हा पोलीस अधीक्षक यांच्याकडे केली आहे.
दिलेल्या निवेदनात म्हटले आहे, 26 ऑगस्ट 2024 रोजी मालवण राजकोट येथील छत्रपती शिवाजी महाराजांचा पूर्णाकृती पुतळा कोसळण्याची दुर्घटना घडली. सदरील राजकोट दुर्घटना प्रकरणी आमदार वैभव नाईक हेच मुख्य सूत्रधार असण्याची शक्यता असुन तत्काळ आमदार वैभव नाईक यांचे १६ ऑगस्ट ते आता पर्यतचे CDR, मोबाईल टॉवर लोकेशन यांची तपासणी व्हावी. त्या सोबतच आमदार वैभव नाईक यांचे वाहन चालक, त्यांचे स्वीय सहाय्यक, जवळचे सहकारी व त्यांच्या सोबत असलेले इतर कर्मचारी या सर्वांचेही CDR तपासून राजकोट दुर्घटनेची सखोल चौकशी व्हावी.
राजकोट येथील दुर्घटना ही खरच दुर्घटना आहे की कुठल्या कटाचा भाग आहे हे या तपासापर्यंत समजू शकत नाही. छत्रपती शिवाजी महाराजांच्या पुतळ्याची विटंबना ही आमच्यासाठी अत्यंत गंभीर घटना असून सदरील प्रकरणात या तक्रारीची गंभीर दखल घेऊन सखोल तपास करून कारवाई करावी. अशी मागणी निवेदन माध्यमातून करण्यात आली आहे.
