बाजारपेठेतील दुकानदारांकडून व्यक्त केली जाते नाराजी
भाऊ भोगले | बागायत : विरण बाजारपेठेतून जाणारा मालवण बेळणे हा मुख्य रस्ता असून विरण व पोईप बाजारपेठ जोडणाऱ्या पुलाच्या दुतर्फा गेली दोन वर्ष खड्ड्याचे साम्राज्य झाले आहे . याकडे सार्वजनिक बांधकाम विभाग मालवण यांचे दुर्लक्ष झालेले दिसून येत आहे या खड्ड्यांमध्ये पावसाचे पाणी साचून राहते आणि त्याला बाहेर जाण्यासाठी कोणताच मार्ग नसल्याने येणाऱ्या वाहनांना मार्ग काढणे अवघड बनते या रस्त्याच्या शेजारी दुकाने असून त्यांना सदर दुकाने पावसाळ्यात बंद ठेवावी लागतात, कारण खड्ड्यांमधून जाणाऱ्या वाहनांचे संपूर्ण पाणी दुकानात शिरते त्यामुळे दुकानातील सामानाची नासधुस होत आहे. तसेच दुकानासमोर पाणी उडत असल्यामुळे ग्राहकही येत नाहीत अशामुळे फार मोठ्या नुकसानीला सामोरे जावे लागत आहे.
दुकानदारांच्या म्हणण्याप्रमाणे सा.बा. विभाग मालवण हे फक्त उन्हाळी सर्वे करताना दिसतात मात्र पावसात येणारे अडथळे साठणारे पाणी व त्यावर उपाययोजना कशी करता येईल याचा सर्वे किंवा स्थानिकांची अडचण व सूचना कधीही जाणून घेत नाहीत आणि हे असेच चालत राहिल्यास आपण रास्ता रोको करून सा. बा. विभाग तसेच संबंधित मंत्र्यांच्या निदर्शनास आणून देणार असल्याचे स्पष्ट केले .गणपती सणासुदीत ही या खड्ड्याकडे दुर्लक्ष करण्यात आले.
या खड्ड्यांचा तात्काळ सोक्षमोक्ष न लावल्यास आपण संबंधित अधिकाऱ्याकडून नुकसान भरपाई करून घेणार असल्याचे त्यांनी म्हटले आहे.
