३ ऑक्टोबर पासून सुरुवात ; यंदाचे स्पर्धेचे ४९ वे वर्ष
निलेश जोशी | कुडाळ : येथील श्री देव कुडाळेश्वर उत्सव मंडळ आयोजित कै अभयकुमार देसाई स्मृती ४९ वी जिल्हास्तरीय भजन स्पर्धा जाहीर झाली आहे. येत्या ३ ऑक्टोबर ते ११ ऑक्टोबर कालावधीत नवरात्रामध्ये श्री देव कुडाळेश्वर मंदिरामध्ये हि स्पर्धा होणार आहे. यंदाचे हे स्पर्धेचे ४९ वे वर्ष असून जास्तीत भजन मंडळीनी स्पर्धेत भाग घ्यावा असे आवाहन श्री देव कुडाळेश्वर उत्सव करण्यात आले आहे.
या भजन स्पर्धेकरिता पहिल्या पाच क्रमांकासाठी अनुक्रमे रोख रु. १५ हजार, रु. १० हजार, रु. ७ हजार, रु. ५ हजार २५००/- अशी पारितोषिके ठेवण्यात आली आहेत. स्पर्धेत भाग घेण्यासाठीचे प्रवेश अर्ज श्री किशोर मंगेश काणेकर, मे लक्ष्मी स्टोअर्स, बाजरपेठ कुडाळ येथे मंगळवार दिनांक १ ऑक्टोबर २०२४ पर्यंत स्वीकारले जातील. अधिक माहितीसाठी महेश कुडाळकर (मोबा. क्र ९४२०२१००२०) यांच्याशी संपर्क साधावा असे आवाहन श्री देव कुडाळेश्वर उत्सव मंडळाच्या वतीने करण्यात आले आहे.
