सायकलिस्ट असोसिएशन ऑफ सिंधुदुर्ग आणि कुडाळ सायकल क्लबचे सदस्य
निलेश जोशी | कुडाळ : कोल्हापूर येथे झालेल्या कोल्हापूर स्पोर्ट्स क्लब आयोजित कोल्हापूर लोहपुरुष ट्रायथलॉन आणि ड्युओथलॉन स्पर्धेत सायकलिस्ट असोसिएशन ऑफ सिंधुदुर्ग आणि कुडाळ सायकल क्लब कोस्टल मॅरेथॉन मधील मधील तिघे जण सहभागी झाले. या स्पर्धेवर सर्वानीच आपल्या कामगिरीची छाप पाडली. यामध्ये प्रमोद भोगटे, रुपेश तेली आणि शिवप्रसाद राणे यांनी सहभाग घेतला होता.
गेल्या सहा वर्षात सायकलिस्ट असोसिएशन ऑफ सिंधुदुर्गच्या माध्यमातून संपूर्ण जिल्ह्यात विविध सायकलविषयक उपक्रम राबवले जात आहेत आणि त्यामुळे सायकल संस्कृती वाढिस लागली आहे. तसेच यावर्षी झालेल्या कोकण मान्सून रन या मॅरेथॉनमुळे रनिंगकडेही लोकांचा कल वाढला आहे. कोकणवासीय या दोन्ही गोष्टींच्या माध्यमातून सायकलिंग आणि रनिंगकडे वळले आहेत आणि आपल्या आरोग्याच्या दृष्टीने सजग झाले आहेत.
ऑलिम्पिक डिस्टन्स ट्रायथलॉन म्हणजे ६ तासात १.५ किमी पोहणे, ४० किमी सायकल चालवणे आणि १० किमी धावणे असे हे टास्क असते. जगप्रसिद्ध अशा कस लावणाऱ्या स्पर्धेत उत्तम कामगिरी करणाऱ्या सर्व सहभागी सायकलिस्ट असोसिएशन ऑफ सिंधुदुर्ग आणि कुडाळ सायकल क्लबच्या मेम्बर्सचे सर्व स्तरातून अभिनंदन होत आहे.
