तारकर्ली गावातील बाळगोपाळांचा सलग सहाव्या वर्षी कौतुकास्पद उपक्रम
मालवण : तारकर्ली गावातील बाळ गोपाळांनी समाजासमोर पुन्हा एकदा एक आदर्श प्रस्थापित केला आहे. तारकर्ली गावातील रोहन नरेश कांदळगावकर, ईशान सदाशिव सागवेकर, निनाद गणपत मोंडकर, रिषभ श्रीधर खराडे, हार्दिक सतिश टिकम, वेदांत सदाशिव सागवेकर, नैतिक धोंडी कांदळगावकर, रोहित बाळकृष्ण वरक, भुवन नरेंद्र नागवेकर, देवेश सीताराम पराडकर, आर्यन चंद्रशेखर कुबल या बाळगोपाळांनी गणेश भजनातून जमा झालेला निधी अविनाश चंद्रकांत धुरत आणि बबन लोणे या आजारपणाने त्रस्त असलेल्या गरजू व्यक्तींना मदत म्हणुन दिला. त्यामुळे या कुटुंबाचा आर्थिक भार काही प्रमाणात हलका झाला आहे.
यापुर्वी सुद्धा या बाळगोपाळांनी गावातील निराधार, गरजु व्यक्तींना आर्थिक मदत केली होती. हे बाळगोपाळ गेली सहा वर्षे सातत्याने अशा प्रकारचे सामाजिक उपक्रम राबवित असल्याने सध्या तारकर्ली पंचक्रोशीत ते कौतुकाचा विषय ठरत आहेत.
