मालवण : 1 सप्टेंबर ते 7 सप्टेंबर हा विमा सप्ताह म्हणून दरवर्षी संपूर्ण भारतभर साजरा केला जातो. एलआयसी ने 69 व्या वर्षात पदार्पण केलं त्यानिमित्ताने संपूर्ण भारतात विविध कार्यक्रमांचे आयोजन केले जात आहे.
याच पार्श्वभूमीवर एलआयसी मालवण शाखे तर्फे 5 सप्टेंबर शिक्षक दिनाचे औचित्य साधून एलआयसी च्या मालवण शाखेमध्ये आदर्श शिक्षकांचा सत्कार करण्यात आला. या प्रसंगी सिंधुदुर्गातील सौ मेघा गोगटे देशमुख, श्री.निशिकांत पराडकर, सौ अल्का विलास नारकर, सौ ज्योती बुवा तोरस्कर, सौ स्नेहा चंद्रशेखर बर्वे आदी आदर्श शिक्षक उपस्थित होते.
यावेळी मालवण एलआयसी ब्रांच शाखाधिकारी श्रीमती सतेजा बोवलेकर तसेच विकास अधिकारी शैलेश पावसकर,विमा प्रतिनिधी एलआयसी अधिकारी किरण पालव , हरी कांबळे, मंगेश अधांगळे,कमलाकांत परब आणि इतर कर्मचारी वर्ग यावेळी उपस्थित होते.
