आडारी देऊळवाडा येथे विकास कामाचे भूमिपूजन
नागरिकांची मागणी पुर्ण
मालवण : महाराष्ट्र सुवर्ण जयंती नगरोन्थान महाअभियान अंतर्गत जिल्हा वार्षिक योजनेतून मालवण नगरपालिकेने प्रस्तावित केलेल्या आडारी देऊळवाडा येथील दिलीप किर ते मोरया घरापर्यंत गटार बांधून लादी बसवने या विकास कामाचे भूमिपूजन करण्यात आले आहे. या बाबत प्रभागातील नागरिकांनी पालकमंत्री रविंद्र चव्हाण, नियोजन समिती सदस्य आमदार वैभव नाईक तसेच मा. खासदार विनायक राऊत व संपूर्ण नियोजन समिती तसेच नगरपालिका प्रशासनाचे आभार मानले आहेत. अशी माहिती माजी नगरसेविका नीना मुंबरकर यांनी दिली आहे.
आडारी देऊळवाडा रस्त्याला गटार नसल्याने पावसाळ्यात रस्त्यावरून पाणी वाहत असते त्यामुळे सदरील रस्त्याला बंदिस्त गटार बांधावा अशी स्थानिक नागरिकांची नगरपालिका प्रशासनाकडे मागणी होती. त्यानुसार प्रशासनाने सदरचे विकास काम जिल्हा वार्षिक योजनेत बसवून दहा लाख रुपये अंदाजित खर्चांचे काम मंजूर करून घेतले. या कामाचे भूमिपूजन आज ईस्वटी महापुरुष देवस्थान येथे श्रीफळ ठेऊन करण्यात आले. यावेळी माजी नगरसेवक दीपक पाटकर, जगदीश गांवकर, नीना मुंबरकर, प्रकाश माणगांवकर, शेखर आंब्रडकर, राजू किर,राजू बिडये, ललित चव्हाण, उमेश चव्हाण, किरण चव्हाण, अक्षय माणगांवकर, रूपेश कोकरे, गणेश चव्हाण, श्रीधर खानोलकर, विनायक खानोलकर, संजय खानोलकर, संजय खानोलकर, संतोष चव्हाण, मुन्ना फाटक, अर्जुन चव्हाण, अमित बोर्डवेकर, शामा आजगांवकर, दर्शन मुंबरकर, बाळा खानोलकर आदी स्थानिक रहिवासी उपस्थित होते.
